рмормЩрнНрмЧрм│ рмжрм╛рнЯрмХ рмкрнНрм░рмнрнБ рмЧрмЬрм╛рмирми
рммрм┐рмжрнНрнЯрм╛ рммрнБрмжрнНрмзрм┐рм░рнЗ рмкрмгрнНрмбрм┐рмд,
рмЬрнНрмЮрм╛рмирмжрм╛рмдрм╛ рмкрнНрм░рмнрнБ рм╣рнЗ рмЧрмгрм╛рмзрм┐рмкрмдрм┐
рм╕рнБрм░ рмирм░рмЩрнНрмХ рммрмирнНрмжрм┐рмд l
рмПрмХрмжрмирнНрмд рмкрнНрм░рмнрнБ рм╣рнЗрм░рморнНрмм рммрм┐рмШрнНрмирнЗрм╢
рммрм┐рмирм╛рнЯрмХ рмЧрмгрмкрмдрм┐,
рмЧрм┐рм░рм┐рмЬрм╛рмирмирнНрмжрми рморм╣рнЗрм╢рмЩрнНрмХрмкрнНрм░рм┐рнЯ
рмЧрмгрнЗрм╢рнНрн▒рм░ рммрм┐рмжрнНрнЯрм╛рмкрмдрм┐ l
рмкрнБрм░рм╛рмг рм╢рм╛рм╕рнНрмдрнНрм░рм░ рмЖрм░рморнНрмнрм░рнЗ рмирм╛рмо
рммрм┐рмжрнНрнЯрм╛ рмЖрм░рморнНрмнрм░рнЗ рмкрнБрмгрм┐,
рммрм┐рмжрнНрнЯрм╛рмжрм╛рмдрм╛рмЩрнНрмХрм░ рмирм╛рмо рм╕рнБрморм░рм┐рм▓рнЗ
рмЬрмЧрмдрмХрнБ рмпрм┐рммрм╛ рмЬрм┐рмгрм┐ l
рммрмЯрм░рнЗ рмЧрмгрнЗрм╢ рмХрм╛рмЮрнНрмЪрм┐рм░рнЗ рмЧрмгрнЗрм╢
рмХрм╛рмормж рмЧрмгрнЗрм╢ рмирм╛рмо,
рмЪрм╛рм░рмЧрмгрнЗрм╢ рмкрнНрм░рмнрнБ рмирнГрмдрнНрнЯрмЧрмгрнЗрм╢
рмзрмирнНрнЯ рм╕рнЗрм╣рм┐ рмкрнБрм░рнА рмзрм╛рмо l
рмжрнЗрмЦрм┐ рмХрмЯрнЗ рмкрм╛рмк рм╕рнЗ рмЕрмкрнВрм░рнНрмм рм░рнВрмк
рм╢рнНрм░рнАрмХрнНрм╖рнЗрмдрнНрм░рм░рнЗ рм╣рм╛рмдрнАрммрнЗрм╢,
рмЧрмгрмкрмдрм┐ рмнрмЯрнНрмЯ рмжрм░рнНрм╢рми рмХрм░рм┐рм▓рнЗ
рм░рм╣рм┐рмЫрм┐ рмкрнНрм░рмнрнБрмЩрнНрмХ рмпрм╢ l
рмЕрмЬрнНрмЮрм╛рми рмЕрмирнНрмзрм╛рм░ рмжрнВрм░рмХрм░ рмкрнНрм░рмнрнБ
рммрм┐рмжрнНрнЯрм╛ рммрнБрмжрнНрмзрм┐ рмжрнЗрмЗ рмнрм░рм┐,
рммрм┐рмШрнНрмирммрм┐рмирм╛рнЯрмХ рм╕рм┐рмжрнНрмзрм┐ рмкрнНрм░рмжрм╛рнЯрмХ
рммрм┐рмжрнНрнЯрм╛рм░рнНрмернА рморм╛рмирмЩрнНрмХ рм╢рм┐рм░рнА l
рм╕рм┐рмжрнНрмзрм┐рмжрм╛рмдрм╛ рмкрнНрм░рмнрнБ рмЧрмгрмкрмдрм┐ рммрм╛рмкрм╛
рмЕрмЧрнНрм░ рмкрнВрмЬрнНрмп рммрм┐рмирм╛рнЯрмХ,
рморнВрм╖рм┐рмХрммрм╛рм╣рми рмкрнНрм░рмнрнБ рмЧрмгрм╛рмзрм┐рмк
рм╕рнБрмЦрм╢рм╛рмирнНрмдрм┐ рмкрнНрм░рмжрм╛рнЯрмХ l
рмЖрм╣рнЗ рм╕рм┐рмжрнНрмзрм┐рмжрм╛рмдрм╛ рмкрнНрм░рмнрнБ рммрм┐рмжрнНрнЯрм╛рмжрм╛рмдрм╛
рм╕рмХрм│ рмнрм╛рмЧрнНрнЯ рммрм┐рмзрм╛рмдрм╛,
рмХрнГрмкрм╛ рмХрмЯрм╛рмХрнНрм╖рм░рнЗ рмЪрм╛рм╣рм┐рмБрмерм╛рмЕ рмкрнНрм░рмнрнБ
рммрнБрмжрнНрмзрм┐рмжрм╛рмдрм╛ рмирм┐рмзрм┐рмжрм╛рмдрм╛ l
тЬНя╕Прмб.рмкрнНрм░рм╢рм╛рмирнНрмд рмХрнБрморм╛рм░ рм╢рмдрмкрмернА
рмЫрмдрнНрм░рмкрнБрм░, рмЧрмЮрнНрмЬрм╛рмо
Published by - LRL Enterprises
Comments