ପବିତ୍ର କାର୍ତ୍ତିକ ମାସ ଏବଂ "ପଞ୍ଚୁକ"

🙏ପବିତ୍ର କାର୍ତ୍ତିକ ମାସ🙏

ବଡ଼ ପୁଣ୍ୟ ମାସ କାର୍ତ୍ତିକ ଅଟଇ

ଧର୍ମ ମାସ ନାମେ ଖ୍ୟାତ,

ପଲ୍ଲୀଠୁ ସହର ମନ୍ଦିରରେ ଭିଡ଼

କରନ୍ତି କାର୍ତ୍ତିକ ବ୍ରତ l

ହବିଷ୍ୟାଳି ଭିଡ଼ ବଡ଼ ଦେଉଳରେ

ରାଇ ଦାମୋଦର ପୂଜା,

ଚଉରା ମୂଳରେ ରଙ୍ଗ ମୁରୁଜରେ

କେଡ଼େ ସୁନ୍ଦର ସେ ସଜା l

ସାତ୍ଵିକ ଭୋଜନ ଏକ ଓଳି ଅନ୍ନ

ବିଷ୍ଣୁ ସମର୍ପିତ ହୋଇ,

ହବିଷ୍ୟାନ୍ନ ରୂପେ ପ୍ରାସାଦକୁ ପାଇ

ଶ୍ରଦ୍ଧାରେ ଥାଆନ୍ତି ଖାଇ l

Photo credit: Odia samaj

ପଞ୍ଚୁକ ଅଟଇ ଶେଷ ପାଞ୍ଚ ଦିନ

ଲକ୍ଷ୍ମୀନାରାୟଣ ଧ୍ୟାନ,

ଅଁଳା ନବମୀରେ ରାଧା ପାଦ ଦେଖା

ପାଇବ କୋଟିଏ ପୂଣ୍ୟ l

Photo credit: Odiaweb

କାର୍ତ୍ତିକ ପୂର୍ଣ୍ଣିମା ଶେଷଦିନ ଅଟେ

କାର୍ତ୍ତିକ ବ୍ରତର ଶେଷ,

ବୋଇତ ବନ୍ଦାଇ ହବିଶାଳୀ ଦେଖେ

ରାଜରାଜେଶ୍ୱର ବେଶ l

Photo credit: eOdisha

🙏ପଞ୍ଚୁକ🙏

ଚତୁର୍ମାସ ବ୍ରତ ପାଳୁଥିଲେ ଭକ୍ତ

ହରିଶୟନରେ ଯାହା,

ଆଷାଢ଼ ମାସର ଶୁକ୍ଲପକ୍ଷ ଥିଲା

ବଡ଼ ଏକାଦଶୀ ତାହା l

କାର୍ତ୍ତିକ ମାସର ବଡ଼ ଏକାଦଶୀ

ଶ୍ରୀହରିଙ୍କ ଉତ୍ଥାପନ,

ହରିବୋଲ ସହ ହୁଳହୁଳି ଦେଇ

ଆନନ୍ଦିତ ଭକ୍ତ ମନ l

ପଞ୍ଚୁକର ବ୍ରତ ଆରମ୍ଭ ହୁଅଇ

ଏହିଠାରୁ ପାଞ୍ଚ ଦିନ,

ହବିଷ୍ୟାଳି ମାନେ ବ୍ରତ ପାଳିଥାନ୍ତି

ପାଇବାକୁ କୋଟି ପୂଣ୍ୟ l

କାଳିଆ ସାଆନ୍ତେ ଦର୍ଶନ ଦିଅନ୍ତି

ହୋଇକରି ପାଞ୍ଚ ବେଶ,

ଦେଖି ପାପ ଚକ୍ଷୁ ପବିତ୍ର ହୁଅଇ

ମନ ହୋଇଯାଏ ତୋଷ l

ଲକ୍ଷ୍ମୀନାରାୟଣ ପ୍ରଥମ ଦିନରେ

ବାଙ୍କଚୂଡ଼ ଦ୍ଵିତୀୟରେ

ତ୍ରିବିକ୍ରମ ବେଶ ଡାଳିକିଆ ହସ

ହୋଇଥାନ୍ତି ତୃତୀୟରେ l

ଲକ୍ଷ୍ମୀନୃସିଂହରେ ଚତୁର୍ଥ ଦିନଟି

ଅପୂର୍ବ ସେ ଜ୍ୟୋତି କାନ୍ତି,

ମର୍ତ୍ତ୍ୟ ବଇକୁଣ୍ଠ ଶୀରିକ୍ଷେତ୍ର ଧାମେ

ପ୍ରଭୁ ଏଠି ବିରାଜନ୍ତି l

ରାଜଧିରାଜରେ ସୁନାବେଶ ସହ

ପଞ୍ଚମ ଦିନରେ ଶୋଭା,

ରାସପୂର୍ଣ୍ଣିମାରେ ଯେତେ ଦେଖୁଥିଲେ

ହୋଇଥାନ୍ତି ମନଲୋଭା l

ବହୁତ ପବିତ୍ର ପଞ୍ଚୁକ ଅଟଇ

ପାଞ୍ଚ ଦିନର ଏ ବ୍ରତ,

ନିଷ୍ଠାପର ଭାବେ ପାଳନ କରିଲେ

କୋଟି ପୂଣ୍ୟ ମିଳେ ସତ l

ସକାଳୁ ସକାଳୁ ତୁଳସୀ ଚଉଁରା

ଲିପାପୋଛା କରିଦେଇ,

ପଞ୍ଚମୁରଜରେ ଝୋଟି ଦେଉଥିଲେ

ବିଭୁ କୃପା ଥିବ ପାଇ l

ଘୃତ ଦୀପ ଅଟେ ବିଷ୍ଣୁଙ୍କର ପ୍ରିୟ

ସକାଳ ସନ୍ଧ୍ୟାରେ ଦେବା,

ତୁଳସୀ ମୂଳରେ ନିତି ଦେଉଥିଲେ

ବହୁ ପୂଣ୍ୟ ପାଇଯିବା l

କାର୍ତ୍ତିକ ବ୍ରତଟି ସଫଳ ହୋଇବ

କରୁଥିଲେ ସତ୍ କର୍ମ,

ପରଉପକାରୀ ହୋଇପାରୁଥିଲେ

ତାହାହିଁ କାର୍ତ୍ତିକ ଧର୍ମ l

Photo credit: Ssgapu22

ପ୍ରଶାନ୍ତ କୁମାର ଶତପଥୀ

ଛତ୍ରପୁର

9861143878

Published by - LRL Enterprises