ମାଆ ତାରାତାରିଣୀ

🙏ମାଆ ତାରାତାରିଣୀ🙏

ଋଷିକୁଲ୍ୟା କୂଳେ ପର୍ବତର ମାଳେ

ବିରାଜି ଅଛନ୍ତି ମାଆ,

ଗଞ୍ଜାମ ଜିଲ୍ଲାର ଆରାଧ୍ୟା ଦେବୀ ସେ

ତାରା ଓ ତାରିଣୀ ନାଆଁ l

video courtesy: FB page Taratarinipitha

ଶକ୍ତି ସ୍ୱରୂପିଣୀ ମାତା ସେ ଭବାନୀ

ଯମଜ ଦୁଇ ଭଉଣୀ,

ଶ୍ରେଷ୍ଠ ଶକ୍ତି ପୀଠେ ଉଭା ହୋଇଛନ୍ତି

ରହିଛି ବହୁ କାହାଣୀ l

ସତ୍ୟ ଯୁଗେ ହେଉ ସତୀଙ୍କ ବକ୍ଷୋଜ

ତ୍ରେତୟାରେ ସୀତା ଲୁହ,

କିମ୍ବଦନ୍ତୀ ଭିନ୍ନ ଭିନ୍ନ ରହିଅଛି

ବସୁ ପ୍ରହରାଜ ଝିଅ l

ବୌଦ୍ଧ ଓ ବୈଷ୍ଣବୀ ତନ୍ତ୍ର ଶକ୍ତିପୀଠ

ମାଆଙ୍କର ପୀଠ ସାର,

ଡାକିଦେଲେ ମାଆ ଡାକ ଶୁଣୁଥାନ୍ତି

ଯାଚି ଦେଉଥାନ୍ତି ବର l

Photo courtesy - FB page taratarinipitha

ଦୀପ ଧୂପ ଝୁଣା ଗୋଗୁଳ ବାସନା

ମହ ମହ ବାସୁଥାଏ,

ଭକ୍ତ ଗହଣରେ ଶଙ୍ଖ ଘଣ୍ଟି ଧ୍ୱନି

ମାଆ ମାଆ କହୁଥାଏ l

ଚଇତ ମାସର ମଙ୍ଗଳ ବାରଯେ

ମାଆଙ୍କର ଅତି ପ୍ରିୟ,

କୁନି କୁନି ପିଲା ମୁଣ୍ଡନ ହୁଅନ୍ତି

କଟିଯାଏ ସବୁ ଭୟ l

photo courtesy - FB Mr. Patra

ଶାନ୍ତ ଓ ସୁନ୍ଦର ଅତି ମନୋହର

ମାଆଙ୍କର ଏହି ସ୍ଥାନ,

ପ୍ରାକୃତିକ ଶୋଭା ସହ ମନଲୋଭା

କିଣି ନେଉଥାଏ ମନ l

ଉତ୍କଳୀୟ କଳା ସ୍ଥାପତ୍ୟ ରହିଛି

ଭାସ୍କର୍ଯ୍ୟରେ ଭରପୁର,

ପଥର ଖୋଦିତ କାରୁକାର୍ଯ୍ୟ ଏଠି

ସୌନ୍ଦର୍ଯ୍ୟର ଗନ୍ତାଘର l

ପ୍ରଶାନ୍ତ କୁମାର ଶତପଥୀ

ଛତ୍ରପୁର

ଜିଲ୍ଲା : ଗଞ୍ଜାମ

9861143878

Published by - LRL Enterprises