ମାଣବସା ଗୁରୁବାର

🙏ମାଣବସା ଗୁରୁବାର🙏

କାର୍ତ୍ତିକ ସରିଲା ମାର୍ଗଶିର ହେଲା

ଲକ୍ଷ୍ମୀ ପୂଜା ଆସିଗଲା,

ଘରଦ୍ୱାର ସବୁ ଲିପାପୋଛା ହୋଇ

ଦାଣ୍ଡେ ଝୋଟି ଚମକିଲା l

Photo courtesy: Rajni

ଗୁରୁବାର ଶ୍ରେୟ ଲକ୍ଷ୍ମୀଙ୍କର ପ୍ରିୟ

ନାମ ତା'ର ମାଣବସା ,

ଭକ୍ତି ସହକାରେ ଆପଣା ମନ୍ଦିରେ

ପାଳିଥାନ୍ତି ଏହି ଓଷା l

ଘରର ଘରଣୀ ସେହି ବୋହୂରାଣୀ

ଭକ୍ତିର ଅର୍ଘ୍ୟକୁ ଦେଇ,

ମାଣ ଗଉଣୀରେ ଚିତାକୁ ଲେଖଇ

ମହାଲକ୍ଷ୍ମୀ ନାମ ନେଇ l

Photo courtesy: Srinibas Samal

ମାଣ ଗାଉଣୀରେ ତଣ୍ଡୁଳ ପୁରାଇ

ଧାନ ମେଞ୍ଚା ତହିଁ ଥୋଇ,

ଚନ୍ଦନ କର୍ପୂର ସିନ୍ଦୁର କଜ୍ଜ୍ୱଳ

ଦୁବ ଅଁଳା ଡାଳ ଦେଇ l

ବାସ ଚହଟଇ ଗୋଗୁଳର ଧୂପ

ଜଳୁଥାଏ ଘୃତ ଦୀପ,

ଗେଣ୍ଡୁଫୁଲ ଦେଇ ନୂଆ ବସ୍ତ୍ର ଥୋଇ

କଟିଯାଏ ସବୁ ପାପ l

ହୁଳହୁଳି ଦେଇ ଶଙ୍ଖ କୁ ବଜାଇ,

ପୂଜା ଦ୍ରବ୍ୟ ତହିଁ ବାଢ଼ି,

ମାତା ଆଶୀର୍ବାଦ ପାଆନ୍ତି ସଭିଏଁ

ଲକ୍ଷ୍ମୀଙ୍କ ପୂରାଣ ପଢ଼ି l

ମାତା କମଳନୀ ବିଷ୍ଣୁଙ୍କ ଘରଣୀ

ଲୋକମାତା ହରିପ୍ରିୟା,

ପଦ୍ମାସନା ମାତା ରତ୍ନାକର ସୁତା

ପଦ୍ମାଳୟା ମହାମାୟା l

ଦଶ ନାମ ପଢ଼ି ଦୁଇ ହାତ ଯୋଡ଼ି

ମାଣବସା ଗୁରୁବାରେ,

ଅଧମ କାମିନୀ ଦଇନି କରନ୍ତି

ଦୟା ରଖିଥିବୁ ବାରେ l

ପ୍ରଶାନ୍ତ କୁମାର ଶତପଥୀ, ଛତ୍ରପୁର

9861143878

Published by - LRL Enterprises

Loving Real-life