🙏ଶ୍ରୀରାମ ଜନ୍ମ 🙏

ତ୍ରେତୟା ଯୁଗରେ ଅଯୋଧ୍ୟାର ପୁରେ

ଦଶରଥ ସୁତ ହୋଇ,

ମଧୁମାସ ଶୁକ୍ଳ ନବମୀ ତିଥିରେ

ଜନ୍ମିଥିଲ ଭାବଗ୍ରାହୀ l

ଶୀତଳ ସମୀର ସୁଗନ୍ଧ ହୋଇଣ

ଧୀରେ ଧୀରେ ଥାଏ ବହି,

ସୁବାସିତ ପୁଷ୍ପ ବରଷା କରନ୍ତି

ଆକାଶରେ ଦେବେ ରହି l

କୋଟି ସୂର୍ଯ୍ୟକାନ୍ତି ଦେହେ ବିରାଜନ୍ତି

ନବଦୁର୍ବାଦଳ ରୂପ,

କୁଳଗୁରୁ ସେହି ରାମ ନାମ ଦେଲେ

ତୁଣ୍ଡେ ନେଲେ କଟେ ପାପ l

କୌଶଲ୍ୟା ନନ୍ଦନ ଚରଣେ ବନ୍ଦନ

ରମଣୀୟ ରୂପକାନ୍ତି,

ଦୁର୍ଲଭ ରୂପକୁ ଦର୍ଶନ ନିମନ୍ତେ

ଦେବାଦେବୀ ବିରାଜନ୍ତି l

ବୀଣା ବଜାଇଣ ନାରଦ ନାଚନ୍ତି

ତାଣ୍ଡବ ନୃତ୍ୟରେ ଶିବ,

ବେଦ ଧ୍ୱନି କରି ବ୍ରହ୍ମା ନାଚୁଥାନ୍ତି

କି ବର୍ଣ୍ଣିବି ସେହି ଭାବ l

ପାପ ଭାର ପ୍ରଭୁ କରୁଥାଅ ଦୂର

ଯୁଗେ ଯୁଗେ ଅବତରୀ,

ଆହେ ଦୟାମୟ ଦୟାର ସାଗର

କୃପାସିନ୍ଧୁ ଦଇତାରି l

ପ୍ରଶାନ୍ତ କୁମାର ଶତପଥୀ

ଛତ୍ରପୁର

ଜିଲ୍ଲା : ଗଞ୍ଜାମ

9861143878

Published by - LRL Enterprises