ସରସ୍ବତୀ ଗାୟତ୍ରୀଙ୍କ ବନ୍ଦନା - ସରସ୍ବତୀ ପୂଜା ଉପଲକ୍ଷେ

ସରସ୍ବତୀ ଗାୟତ୍ରୀଙ୍କ ବନ୍ଦନା

ଭାରତୀ ଗୋ ତୁମେ ବିଦ୍ୟା ଦାୟିନୀ ମାତା

ବ୍ରହ୍ମାଙ୍କ ର ଯୋଗ୍ୟ ସୁତା

ମରାଳ ବାହିନୀ ଜ୍ଞାନ ପ୍ରଦାୟିନୀ

ସଭିଙ୍କର ବୁଦ୍ଧି ଦାତା

- (ଘୋଷା)

ତୁମ କୃପା ନେଲେ ଅମୃତ ବର୍ଷିଲେ

ଗଜ ମୂର୍ଖ ଥିଲେ ସାହିତ୍ୟ ରଚିଲେ

ବିଶ୍ୱ ଜୟୀ ହେଲେ କୀର୍ତି ଅରଜିଲେ

କଳା ସଂସ୍କୃତି ର କର୍ତ୍ତା - ୧

ବୀଣା ଓ ପୁସ୍ତକ ଧବଳ ପୋଷାକ

ସଙ୍ଗୀତ ଆଲୋକ ନୃତ୍ୟ ର ପୁଲକ

କଳା ଉପାସକ ବଂଦନ୍ତୀ ଗାୟକ

ରୂପରେ କନକ ଲତା - ୨

କବି କାଳିଦାସ ଦୁଃଖ ଅସନ୍ତୋଷ

ପତ୍ନୀ ଉପହାସ କରିଥିଲା ତୋଷ

ଢାଳିଲ ଆଶିଷ କବିତ୍ଵ ବିକାଶ

ହେଲେ ସେ ବିଶ୍ୱ ବିଜେତା - ୩

ମହୋଦଧି କୁଳ ଗୋଧୂଳି ପାଟଳ

ସନ୍ଧ୍ୟା ଓ ସକାଳ ଝରଣା ର କୋଳ

ଫୁଟିବା କମଳ ତପନ ର ଖେଳ

ସୃଷ୍ଟି କରିଛନ୍ତି ପିତା - ୪

ଦିଅ ମତେ ବର ଜ୍ଞାନପୁରସ୍କାର

ଅନୁକମ୍ପା ତୁମ ସର୍ବଦା ଅପାର

କବି ଚିତ୍ରକାର ଲେଖନୀ ମୁନର

ଦେବୀ ସଦା ବନ୍ଦିତା - ୫

ଶ୍ରୀ ରବୀନ୍ଦ୍ର ନାଥ ଦାସ

Published by - LRL Enterprises

ଯା କୁନ୍ଦେନ୍ଦୁତୁଷାରହାରଧବଳା ଯା ଶୁଭ୍ରବସ୍ତ୍ରାବୃତ୍ତା,

ଯା ବୀଣାବରଦଣ୍ଡମଣ୍ଡିତକରା ଯା ଶ୍ୱେତପଦ୍ମାସନା,

ଯା ବ୍ରହ୍ମାଚ୍ୟୁତଶଙ୍କରପ୍ରଭୃତିଭିର୍ଦେବୈଃ ସଦା ବନ୍ଦିତା,

ସା ମାଂ ପାତୁ ସରସ୍ୱତୀ ଭଗବତୀ ନିଃଶେଷଜାଡ୍ୟାପହା।